"Манчестер Сити"нинг бельгиялик ярим ҳимоячиси Кевин де Брюйне ўз терма жамоаси тўпурарлари ўнталигига кирди.
Миллатлар лигасининг полшаликларга қарши баҳсида бельгиялик ярим ҳимоячи гол урди ва жамоасининг 6:1 ҳисобидаги йирик ғалабага эришишига ёрдам берди. Ҳозир де Брюйне ҳисобида 24 та гол бор. Бу кўрсаткич бўйича Кевин Бельгия терма жамоаси тарихида ўнинчи ўринга кўтарилди.
Белгия терма жамоасининг голлар сони бўйича етакчиси "Челси" ҳужумчиси Ромелу Лукаку. Ҳужумчи терма жамоа сафида 68 та гол урган.