"Реал Мадрид"нинг янги аъзоси Антонио Рюдигер жамоа бош мураббийи Карло Анчелотти билан бўлиб ўтган суҳбат тафсилотлари ҳақида гапириб ўтди.
"Мавсум давомида менда кўп вариантлар бор эди, лекин мен фақат “Реал” ва “Челси” таклифларини кўриб чиқдим. Анчелотти менга бутун жамоа мени кўришдан жуда хурсанд бўлишини айтди, шунинг учун мен жуда хурсандман", - деди Рюдигер Маrcа нашрига берган интервьюсида.
Эслатиб ўтамиз, Рюдигер "Реал"га текинга ўтган эди. Трансфер ҳақида расмий эълон "қаймоқранглилар" Чемпионлар лигаси финалида ғалаба қозонганидан сўнг бўлиб ўтди.