“Наполи” ҳимоячиси Калиду Кулибали ёзги трансфер вақтида Италия клубини тарк этиши мумкин, деб ёзади Sky Sports Italia. Жамоа раҳбарияти 30 ёшли футболчи билан янги шартнома борасида келиша олмади.
Манбага кўра, футболчи келаси мавсум якунида эркин агент сифатида жамоани тарк этиши мумкин ёки уни янги клуб сотиб олади.
Футболчининг амалдаги шартномаси 2023 йилнинг июнь ойида тугайди, “Наполи” фақат маошни сезиларли даражада қисқартирган ҳолда уни узайтиришни таклиф қилди.
Хабар қилинишича, футболчига "Барселона", "Ювентус", "ПСЖ", "Челси" ва "Манчестер Юнайтед" клублари қизиқиш билдирмоқда.
