"Манчестер Юнайтед" ярим ҳимоячиси Неманя Матич "Рома"га ўтишга яқинлашмоқда.
Sky Sports Italia хабарига кўра, якшанба ёки душанба куни 33 ёшли серб тиббий кўрикдан ўтиш учун Римга учиши керак. У эркин агент сифатида римликлар билан шартнома имзолайди.
Матичнинг манкунианликлар билан шартномаси шу ой охирида тугайди.
Май ойи бошида Матич "Ювентус"га ўтиши мумкинлиги ҳақида хабарлар тарқалган эди.
Ярим ҳимоячи 2017 йилнинг ёзидан буён "Манчестер Юнайтед" сафида ҳаракат қилаётган эди. Ўтган мавсумда Матич 32 та ўйинда майдонга тушиб, 4 та голга ассистентлик қилган.
