"Арсенал" "Лидс" ярим ҳимоячиси Рафинья Диаз учун курашга киришди. The Sun хабарига кўра, "канонирлар" бразилиялик вингерни ушбу мавсум оралиғида ўз сафига қўшиб олишга ҳаракат қилади.
Рафиньяга асосий даъвогар "Барселона" эди, бироқ клубда трансфер учун ҳозирча маблағ йўқ. Балки вазият ярим ҳимоячи Френки де Йонгнинг "Манчестер Юнайтед"га сотилиши билан ўзгаради. Бу келишув уларга 81 миллион евро олиб келиши мумкин.
"Арсенал" ушбу трансфер ойнасида жамоани тарк этиши мумкин бўлган Николас Пепе ўрнига Рафиньяни сотиб олмоқчи.