"ПСЖ" ёзда ҳужумчи Мауро Икарди билан хайрлашмоқчи. Футболчига "Ривер Плейт" даъвогарлик қилмоқда, деб хабар беради Radio Continental.
Аргентина клуби аллақачон Икарди билан боғланиб, потенциал ҳамкорликни муҳокама қилган. Бироқ 29 ёшли аргентиналик футболчи ҳалигача ватанига қайтишга қизиқмаяпти.
Икарди ўтган мавсумда "ПСЖ" сафида 30та ўйинда майдонга тушиб, 5та гол урган.
Унинг клуб билан шартномаси 2024 йилнинг июнида якунига етади. Transfermarkt портали ҳужумчини 28 миллион еврога баҳоламоқда.