Мадриднинг "Реал" клуби ҳужумчиси Марко Асенсио ёзда жамоасини ўзгартириши мумкин, дея хабар берди Marca.
Манбага кўра, мадридликлар билан 2023 йилда якунига етадиган шартномасини узайтириш бўйича келиша олмаётган футболчининг агенти Жорже Мендеш "Манчестер Юнайтед" билан музокараларга киришди. Манкунианликлар вингерни ўз сафига қўшиб олишга тайёр.
26 ёшли испаниялик футболчи Transfermarkt портали томонидан 40 миллион еврога баҳоланмоқда. У ортда қолган мавсум Ла Лигада 31 та ўйинда 10 та гол урди.