"Бенфика" ҳужумчиси Дарвин Нуньес тез орада "Ливерпуль" билан шартнома имзолайди, дея хабар беради журналист Фабрицио Романо.
Манбага кўра, 22 ёшли уругвайлик Испанияга учиб кетган, у ердан Англияга йўл олади ва "Ливерпуль"га ўтишни якунлайди. Ҳужумчи билан 5-6 йиллик шартнома имзоланиши кутилмоқда.
Аввалроқ Нуньес "Ливерпуль"га ўтиш учун Уругвай терма жамоасининг Панамага қарши навбатдаги ўйинини ўтказиб юбориши хабар қилинганди.
2021/22 йилги мавсумда форвард “Бенфика” таркибида 41 та ўйинда майдонга тушиб, 34 та гол урди ва 4 та голли узатмани амалга оширди.