"Арсенал" ярим ҳимоячиси Гранит Жакага Леверкузеннинг "Байер" клуби қизиқиш билдирмоқда, деб хабар беради Bild.
"Арсенал" камида 2 та янги ярим ҳимоячи билан шартнома имзолай олса, Жака билан хайрлашишга тайёр. Вариантлардан бири - "Лестер" билан шартномаси тугашига 1 йил қолган ярим ҳимоячи Юри Тилеманс.
Гранит ўтган мавсумда барча турнирларда 30 та ўйинда майдонга тушиб, 1 та гол ва 2 та голли узатмани амалга оширди. Унинг "канонирлар" билан шартномаси 2024 йилгача мўлжалланган.
Transfermarkt портали футболчининг нархини 20 миллион еврога баҳоламоқда.