“Реал”нинг собиқ ҳужумчиси Гарет Бэйл фаолиятини қайси клубда давом эттириши ҳақида ҳали бир қарорга келмаган. Calciomercato хабарига кўра, унга "Рома" шартнома таклиф қилган.
"Бўрилар" бош мураббийи Жозе Моуриньо футболчининг иқтидорини юқори баҳолайди, аммо ҳозирча римликлар футболчига ўйлашга вақт ажратишди.
32 ёшли Бэйл июнь ойи бошида "Реал"ни шартномаси муддати тугагани сабабли тарк этганди.
2021/22 йилги мавсумда Гарет “Реал” сафида 7 та ўйинда майдонга тушиб, 1 та гол урган.