Бундан бир неча соат аввал Фонд Форум офиси мажлислар залида Анжи ва Ўзбекистон миллий терма жамоаси ярим ҳимоячиси Одил Аҳмедов иштирокида матбуот анжумани ўтказилди. Бу тадбир Фонд Форум ва FOOTBALL GROUP ҳамкорлигида ташкил этилди. Унда журналистлар ва мухлислар билан учрашган Одил турли саволларга жавоб қайтарди.
Ушбу тадбирда йиғилганларга Фонд Форум ва FOOTBALL GROUP фаолияти ҳақида гапириб берилди. Фонд Форум санъат, балки спортга ҳам катта эътибор қаратаётганлиги ва шу республикамизнинг чет чет жойларида ёш футболчиларнинг футбол билан шуғулланишлари учун катта имконият яратилаётганлиги таҳсинга сазовор. Ушбу тадбирда Локомотив клубининг ёш тарбияланувчи Ярослав Ткаченко ҳам иштирок этди ва Одил Аҳмедовдан совғаларни қабул қилиб олди.
- Мен, Одил аканинг ўйинларидан катта завқ оламан. Унга ўхшаб машҳур футболчи бўлиш учун ҳаракат қиламан. Келажакда Локомотив футбол клуби ва Ўзбекистон терма жамоаси шарафини муносиб ҳимоя қилишга бор кучимни сарфлайман- дейди биз билан сухбатда Ярослав.
Ёш, умидчи футболчимизга ва Одил Аҳмедовга барча ўйлаган орзу ниятларига эришини тилаб қоламиз
