The Times хабарига кўра, "Манчестер Сити" "Лидс" ярим ҳимоячиси Калвин Филлипсга қизиқиш билдирмоқда.
Премьер-лига амалдаги чемпионлари 26 ёшли англиялик ярим ҳимоячини жамоа июль ойи ўрталарида Америка қитъаси бўйлаб мавсумолди турнеси учун жўнаб кетишидан олдин ўз сафига қўшиб олмоқчи.
Айтишларича, "Лидс" ҳали ҳам Филиппсни шартномасини узайтиришга кўндиришга умид қилмоқда. Клуб ярим ҳимоячини жамоада яна бир мавсум ўтказишини истамоқда.
Ўтган мавсумда Филиппс "Лидс" сафида барча мусобақаларда 23 ўйинда 1 та гол урди ва 1 та голли узатмани амалга оширди. Ярим ҳимоячининг клуб билан шартномаси 2024 йилнинг 30 июнига қадар амал қилади.