The Times xabariga ko‘ra, "Manchester Siti" "Lids" yarim himoyachisi Kalvin Fillipsga qiziqish bildirmoqda.
Premyer-liga amaldagi chempionlari 26 yoshli angliyalik yarim himoyachini jamoa iyul oyi o‘rtalarida Amerika qit’asi bo‘ylab mavsumoldi turnesi uchun jo‘nab ketishidan oldin o‘z safiga qo‘shib olmoqchi.
Aytishlaricha, "Lids" hali ham Filippsni shartnomasini uzaytirishga ko‘ndirishga umid qilmoqda. Klub yarim himoyachini jamoada yana bir mavsum o‘tkazishini istamoqda.
O‘tgan mavsumda Filipps "Lids" safida barcha musobaqalarda 23 o‘yinda 1 ta gol urdi va 1 ta golli uzatmani amalga oshirdi. Yarim himoyachining klub bilan shartnomasi 2024 yilning 30 iyuniga qadar amal qiladi.













