"Манчестер Сити" ярим ҳимоячиси Жек Грелиш янги келганларни жамоасида кўрганидан хурсанд эканлигини айтди. Англиялик футболчи дунёнинг энг яхши футболчиларини жамоада кўришни истайди.
"Менга "Манчестер Сити"нинг йирик трансферларни амалга ошириши ёқади. Бу бошқа клубларга тааллуқли эмас, чунки мен энг зўр бўлишимизни хоҳлайман. Биз ҳозиргина Эрлинг Холанд билан шартнома имзоладик. Клуб бундай ўйинчиларни сотиб олгани менга жуда ёқади", - деб Грелиш сўзларидан иқтибос келтиради Sport Bible.
Эслатиб ўтамиз, Грелишнинг ўзи "Манчестер Сити" тарихидаги энг қиммат трансфер ҳисобланади. Ўтган ёзда "шаҳарликлар" англиялик учун "Астон Вилла"га 120 миллион евро тўлашди.
