"Манчестер Юнайтед" "Барселона" ярим ҳимоячиси Френки де Йонгни сотиб олмоқчи.
The United Stand хабарига кўра, инглиз клуби 25 ёшли ярим ҳимоячи учун 60 миллион евро миқдорида оғзаки таклиф билан чиққан. "Манчестер Юнайтед" яна 10 миллион евро бонус сифатида таклиф қилди.
Манбага кўра, "Барселона" бу суммага Де Йонгни сотишдан бош тортган. Каталония клуби тахминан 85 миллион евро олмоқчи.
Френки ўтган мавсумда "Барселона" сафида барча турнирларда 46 ўйинда 4 та гол урди ва 5 та голли узатмани амалга оширди. Ярим ҳимоячининг клуб билан шартномаси 2026 йилнинг 30 июнига қадар мўлжалланган.
