Ўзбекистон ҳамда Таиланд учрашувидан сўнг матбуот анжумани ўтказилди. Унда дастлаб Таиланд терма жамоаси бош мураббийи Алешандре Пёлкинг иштирок этиб, ўз фикрлари билан ўртоқлашди:

"Бугун Ўзбекистон муносиб ўйин кўрсатиб, ҳақли ғалабага эришди. Ўйинда рақибларимиз жуда ҳам кучли жамоа эканлигини кўрсатиб, позицияларни ўзгартиришда юқори тезкорлик намойиш этишди. Ўйин давомида биз нафақат Элдор Шомуродовга, балки Жалолиддин Машариповга ҳам қарши индивидуал ҳимояланишни режа қилгандик. Лекин таркибда бошқа кўплаб юқори даражадаги футболчилар бор эди.

Бу учрашув биз учун яхши тест бўлди. Чунки биз Осиё кубогида айнан бу каби юқори даражадаги жамоалар билан ўйнаймиз. Бизда мусобақага яхшилаб тайёргарлик кўриш учун бир йил вақт бор. Бугун қандай камчиликларимиз борлигини кўриб олдим. Буни устида ишлаб, мусобақада янада яхшироқ иштирок этишимизга ишонаман", — деди Пёлкинг.