Англия терма жамоасининг собиқ ҳимоячиси Сол Кемпбелл Англиялик ишқибозларга Польша ва Украинада ўтадиган Европа чемпионатига бормасликни тавсия қилди.
"Менимча, УЕФА Евро-2012ни Польша ва Украинага бериб хато қилди. Улар яхши турнир ўтказишни ҳохлаганларида ўз муаммоларини ечишлари керак эди, шу жумладан ирқчилик муаммосини ҳам.
Улар вазиятни ўнгламай туриб турнир ўтказиш ҳуқуқини қўлга киритмасликлари керак эди. Украина ва Польша Европа чемпионатини ўтказишга лойиқ эмаслар.
Менинг Англиялик ишқибозларга маслаҳатим: Уйда қолинг, турнирни телевизор орқали томоша қилинг. Таваккал қила кўрманг, уйга тобутда қайтишингизга ҳам тўғри келиши мумкин", - дея Кемпбеллнинг сўзларини келтиради PA Sport.
Таъкидлаш жоиз, ирқчилик сабаб Англия терма жамоасининг яримҳимоячиси Тео Уолкотнинг оиласи ҳам Евро-2012га боришдан воз кечган эди.
