Ташкил этилганига ҳали кўп бўлмаган "Турон" футбол клуби бугун ўзининг янги замонавий қароргоҳига эга бўлди.
Бугун Яйпанда “Турон” футбол клуби қароргоҳи очилиш маросими ўтказилди. Унда Фарғона вилояти ҳокими Хайрулло Бозаров, футбол жамоатчилиги вакиллари, ўзбек футболи фидойилари, ОАВ ходимлари иштирок этишди.
“Турон” клубининг янги қароргоҳи замонавий услубда қуриб битказилди. Унда 65 ўринга мўлжалланган ётоқхона, футболчилар ва клуб вакиллари учун ошхона, машғулот зали, тиббиёт хонаси, ўқув хоналари мавжуд.
Эндиликда яйпанликларнинг асосий ва ёшлар таркиблари мана шу қароргоҳда истиқомат қилиб, учрашувларга ҳозирлик жараёнини олиб боришади.
