Сербия терма жамоасининг янги бош мураббийи Синиша Михайлович Испания терма жамоаси билан ўртоқлик ўйини олдидан мадҳияни айтмаганлиги учун "Фиорентина" клуби ҳужумкор яримҳимоячиси Адем Льяични терма жамоадан четлаштирди.
Гап шундаки, Михайлович мураббийлик курсисига ўтиргач, барча ўйинчиларни "ҳулқ шартномаси"га имзо чекишга чақирган эди. Шартноманинг бандларидан бирида ўйинлар олдидан давлат мадҳиясини айтиш шарт қилиб белгиланган эди.
"Ўйиндан сўнг Михайлович Льялич билан суҳбатлашган. Суҳбатда футболчи ўз ихтиёри билан мадҳияни куйламаганинини ва шундай қолишини айтганидан сўнг, мураббий унга уйга кетавериши мумкинлигини айтган", - дея хабар беради Сербия футбол иттифоқи расмий сайти.