"Барселона"нинг иқтисодий масалалар бўйича вице-президенти Эдуард Ромеу "Бавария" ҳужумчиси Роберт Левандовскининг эҳтимолий трансфери ҳақидаги саволга жавоб берди.
Олдинроқ 33 ёшли польшалик Каталония клубига ўтиш истаги борлигини айтганди.
"Левандовскининг трансфери - мураббийлар штабининг орзуларидан бири", - дея Ромеу сўзларидан иқтибос келтиради Marca . Роберт аллақачон ўз фикрини билдирган. Бундай савиядаги футболчи "Барселона"га ўтиш истагини намоён қилиши жуда муҳим. Агар биз ўз ишимизни қилсак, бу мумкин бўлган вариант."
Ўтган мавсумда Левандовски "Бавария" сафида 47 та ўйинда 50 та гол урди ва 7 та голга ассистентлик қилди.
