"Барселона" ярим ҳимоячиси Нико Гонсалес фаолиятини Франция чемпионатида давом эттириши мумкин. Бу хақда Mundo Deportivo нашри хабар берди.
Маълумотларга кўра, ярим ҳимоячига "Марсель" жиддий қизиқиш билдирмоқда ва у билан ёзда шартнома имзолашга тайёр. Каталонияликлар ҳали футболчининг келажаги борасида якуний қарорни қабул қилмаган.
20 ёшли Нико ортда қолган мавсумда жами 38 та ўйинда майдонга тушиб, 2 та гол ва яна шунча голли узатма амалга оширган. Transfermarkt интернет портали уни 20 миллионга баҳоламоқда.
