"Спортинг" ярим ҳимоячиси Жоау Палинья ёзда жамоасини ўзгартиради.
Журналист Фабрицио Романо хабарига кўра, "Фулхэм" 26 ёшли футболчининг трансфери борасида "Спортинг" билан келишувга эришган. Шартнома тахминан 18 миллион евро ва қўшимча хизматларни ташкил қилади.
Манбанинг хабарига кўра, энди қарор Палиньяда, у шунингдек "Манчестер Юнайтед" ва "Вулверхэмптон" таклифини кўриб чиқмоқда. Ярим ҳимоячи тез орада якуний жавобни бериши керак.
Палинья ўтган мавсумда "Спортинг" таркибида 39 та ўйинда майдонга тушиб, 3 та гол урган. Transfermarkt портали футболчининг нархини 25 миллион еврога баҳоламоқда.