"Барселона" президенти Жоан Лапорта ярим ҳимоячи Гавининг янги шартномаси билан боғлиқ вазият ҳақида гапирди.
"Гавининг янги шартномаси якунланиш арафасида - биз якуний босқичдамиз", - дея Лапорта сўзларини келтирган журналист Фабрицио Романо Twitter'да.
Олдинроқ Каталония клуби 17 ёшли испаниялик футболчига 2027 йилгача шартнома таклиф қилгани, унинг товон пули 1 миллиард евро бўлганлиги хабар қилинганди.
Гави 2021 йилдан бери "Барселона"нинг асосий жамоасида ўйнамоқда. Ярим ҳимоячи жорий мавсумда 33 та ўйинда майдонга тушиб, 2 та гол урди ва 5 та голли узатмани амалга оширди.
Гавининг клуб билан амалдаги шартномаси 2023 йилнинг ёзида якунига етади.
