"Олимпиакос" ярим ҳимоячи Матье Вальбуэна билан шартнома узайтирилганини эълон қилди.
Клуб матбуот хизмати хабарига кўра, шартнома бир йилга мўлжалланган.
37 ёшли футболчи Греция жамоасига 2019 йилда келиб қўшилганди. Ўтган мавсумда франциялик футболчи “қароқчилар” сафида 42 та ўйин ўтказиб, 3 та гол ва 8 та голли узатмани амалга оширган.
Вальбуэна "Олимпиакос" билан уч бор Греция чемпиони ва бир марта Греция кубогини қўлга киритган.













