Лондоннинг “Челси” клуби Мюнхеннинг “Бавария” клубининг польшалик ҳужумчиси Роберт Левандовскига қизиқиш билдирмоқда, деб ёзади журналист Кристиан Фальк ўзининг Twitter саҳифасида.
Манбанинг хабарига кўра, инглиз клуби ёзги трансфер ойнасида футболчини сотиб олиш вариантини кўриб чиқмоқда.
Эслатиб ўтамиз, польяк клубини ўзгартириш истагини бир неча бор билдирган.
Олдинроқ "Бавария" ҳужумчи учун 50 миллион еврони бир тўловда ёки бўлиб-бўлиб олмоқчи экани хабар қилинганди.
33 ёшли Левандовски ўтган мавсумда мюнхенликлар сафида барча турнирларда 46 та ўйинда майдонга тушиб, 50 та гол урди ва 7 та голга ассистентлик қилди. Унинг клуб билан шартномаси 2023 йилнинг ёзига қадар мўлжалланган.
