Londonning “Chelsi” klubi Myunxenning “Bavariya” klubining polshalik hujumchisi Robert Levandovskiga qiziqish bildirmoqda, deb yozadi jurnalist Kristian Falk o‘zining Twitter sahifasida.

Manbaning xabariga ko‘ra, ingliz klubi yozgi transfer oynasida futbolchini sotib olish variantini ko‘rib chiqmoqda.

Eslatib o‘tamiz, polyak klubini o‘zgartirish istagini bir necha bor bildirgan.

Oldinroq "Bavariya" hujumchi uchun 50 million yevroni bir to‘lovda yoki bo‘lib-bo‘lib olmoqchi ekani xabar qilingandi.

33 yoshli Levandovski o‘tgan mavsumda myunxenliklar safida barcha turnirlarda 46 ta o‘yinda maydonga tushib, 50 ta gol urdi va 7 ta golga assistentlik qildi. Uning klub bilan shartnomasi 2023 yilning yoziga qadar mo‘ljallangan.