Дортмунднинг "Боруссия" клуби ярим ҳимоячиси Аксел Витсель ёзги трансфер ойнасида жамоани тарк этади.
Mundo Deportivo хабарига кўра, "Марсель" 33 ёшли бельгиялик футболчини ўз сафига қўшиб олмоқчи. Бироқ француз клуби футболчининг ўзи "Атлетико"ни танлашидан хавфсирамоқда.
Шунингдек, Витселга Туркия, АҚШ ва Германиядан ҳам таклифлар бор.
Аксель ўтган мавсумда дортмундликлар сафида барча мусобақаларда 41 та ўйинда 2 та гол урган. Унинг клуб билан шартномаси 2022 йилнинг 30 июнига қадар мўлжалланган.