Келишилган ўйинларда шубҳа қилинаётган "Ювентус" бош мураббийи Антонио Конте ўзининг айбсизлигини ишонч билан таъкидлаб келмоқда. Эслатиб ўтамиз, "Сиена" клубида ишлаган вақтлари шубҳа остига олинган Контенинг уйида душанба куни тинтув ўтказилган.
Бундан ташқари "А" серия ва Италия термасининг кўплаб футболчилари гумон остига олинган.
"Агар фаолиятимга назар ташласангиз менинг айбсизлигимга амин бўласиз. Мен ўйинчилик вақтимда ҳам, мураббийлик вақтимда ҳам ҳалоллик ва виждон билан иш тутганман. Антонио Контенинг кимлигини билмоқчи бўлсангиз, собиқ жамоадошларим, дўстларим ва ҳаттоки рақибларимдан сўранг. Мен ҳар доим ҳалоллик ва ўз кучимга таянган ҳолда ғалаба қозонишга ҳаракат қилганман.
Мени хотиним ва қизим кўз ўнгида айнан ҳалоллигим учун дўппослашган. Буларнинг ҳаммаси менинг, Контенинг бошидан ўтган, ким билмаса билиб қўйсин! Энди эса огоҳлантиришсиз менинг уйимда тинтув ўтказяптилар. Нега мени олдиндан сўроқ қилишга чақириб суҳбатлашмадилар, тушунмаяпман.
"Сиена" билан ажойиб мавсум ўтказганмиз ва уч тур қолганда "Б" серия ғолибига айланганмиз. У мавсумни ҳеч нарса булғамаслиги керак. Таъкидлайман, мен ҳам, футболчиларим ҳам бу можароларга аралашмаганмиз. Ҳаммага яхши таътил тилайман, меники эса унутилмас бўляпти", - деди Конте Италия матбуотига.