"Наполи" ҳимоячиси Калиду Кулибали Италия жамоасида ўйнашни давом эттирмоқчи, деб ёзади Kicker. 30 ёшли сенегаллик неаполликлар сафини тарк этиш ниятида эмас.
Манбага кўра, Кулибали "Наполи"да қолиш учун маошини камайтиришга тайёр. У жамоа сардори бўлишни ва жамоада фаолиятини якунламоқчи.
Кулибалининг амалдаги шартномаси 2023 йилнинг июнида якунига этади. Футболчига "Барселона" ва "Севилья" клублари қизиқиш билдирмоқда.
2021/22 йилги мавсумда ҳимоячи барча мусобақаларда 34 та ўйинда майдонга тушиб, 3 та гол урди ва 3 та голли узатмани амалга оширди.