"Napoli" himoyachisi Kalidu Kulibali Italiya jamoasida o‘ynashni davom ettirmoqchi, deb yozadi Kicker. 30 yoshli senegallik neapolliklar safini tark etish niyatida emas.
Manbaga ko‘ra, Kulibali "Napoli"da qolish uchun maoshini kamaytirishga tayyor. U jamoa sardori bo‘lishni va jamoada faoliyatini yakunlamoqchi.
Kulibalining amaldagi shartnomasi 2023 yilning iyunida yakuniga etadi. Futbolchiga "Barselona" va "Sevilya" klublari qiziqish bildirmoqda.
2021/22 yilgi mavsumda himoyachi barcha musobaqalarda 34 ta o‘yinda maydonga tushib, 3 ta gol urdi va 3 ta golli uzatmani amalga oshirdi.
