"Женоа" ҳимоячиси Андреа Камбьясо А Сериянинг "Ювентус", "Интер", "Аталанта" ва "Сассуоло" клублари қизиқиш доирасида бўлиб турибди. Бу ҳақда журналист Жанлука Ди Марцио ўз сайтида хабар бермоқда.
Чемпионат якунида генуяликлар А серияни тарк этганига қарамай, 22 ёшли Камбьясо ўзини Италия футболидаги энг умидли футболчилардан бири сифатида кўрсатди.
Ўтган мавсумда у барча турнирларда 28 та ўйин ўтказиб, 1 та гол ва 4 та голли узатмани амалга оширди.
Камбясонинг “Женоа” билан шартномаси 2023 йилнинг ёзида якунига этади. Трансфермаркт унинг ҳозирги трансфер қийматини 5 миллион еврога баҳоламоқда.
