"Jenoa" himoyachisi Andrea Kambyaso A Seriyaning "Yuventus", "Inter", "Atalanta" va "Sassuolo" klublari qiziqish doirasida bo‘lib turibdi. Bu haqda jurnalist Janluka Di Marsio o‘z saytida xabar bermoqda.

Chempionat yakunida genuyaliklar A seriyani tark etganiga qaramay, 22 yoshli Kambyaso o‘zini Italiya futbolidagi eng umidli futbolchilardan biri sifatida ko‘rsatdi.

O‘tgan mavsumda u barcha turnirlarda 28 ta o‘yin o‘tkazib, 1 ta gol va 4 ta golli uzatmani amalga oshirdi.

Kambyasoning “Jenoa” bilan shartnomasi 2023 yilning yozida yakuniga etadi. Transfermarkt uning hozirgi transfer qiymatini 5 million yevroga baholamoqda.