Ярим ҳимоячи Кристиан Эриксен фаолиятини “Манчестер Юнайтед”да давом эттириши мумкин. Клуб 30 ёшли данияликга бир йиллик шартнома таклиф қилди, деб хабар беради Daily Mirror.
"МЮ" таклифида шартномани яна бир мавсумга узайтириш варианти ҳам мавжуд, уни исталган манфаатдор томонлар фаоллаштириши мумкин.
Ярим ҳимоячи 2022 йилнинг январидан бери "Брентфорд"да ҳаракат қилади. У жамоа сафида 10 ўйинда 1 гол ва 3 голга ассистентлик қилди.
Аввалроқ, "асаларилар" данияликни янги шартнома бўйича ва катта фарқ билан жамоанинг энг кўп маош олувчи футболчисига айлантиришга тайёр экани хабар қилинганди.