"Тоттенхэм" клуби Леверкузеннинг "Байер" клуби ҳимоячиси Пер Хинкапьега қизиқиш билдирмоқда, деб хабар беради The Sun.
Манбага кўра, 20 ёшли эквадорлик футболчи "шпорлар" бош мураббийи Антонио Контега қизиқаётган футболчилар рўйхатидан жой олган. Немис клуби футболчи учун 34 миллион фунт талаб қилмоқда.
2021/22 йилги мавсумда Хинкапье “Байер” таркибида 33 та ўйинда майдонга тушиб, 2 та гол урди ва 1 та голли узатмани амалга оширди. Transfermarkt.com портали ҳимоячининг нархини 15,3 миллион фунтга баҳоламоқда.
