"Tottenxem" klubi Leverkuzenning "Bayer" klubi himoyachisi Per Xinkapyega qiziqish bildirmoqda, deb xabar beradi The Sun.

Manbaga ko‘ra, 20 yoshli ekvadorlik futbolchi "shporlar" bosh murabbiyi Antonio Kontega qiziqayotgan futbolchilar ro‘yxatidan joy olgan. Nemis klubi futbolchi uchun 34 million funt talab qilmoqda.

2021/22 yilgi mavsumda Xinkapye “Bayer” tarkibida 33 ta o‘yinda maydonga tushib, 2 ta gol urdi va 1 ta golli uzatmani amalga oshirdi. Transfermarkt.com portali himoyachining narxini 15,3 million funtga baholamoqda.