Mirror нашри хабарига кўра, "Ливерпуль" ва ҳужумчи Муҳаммад Салоҳ ўртасидаги амалдаги шартномани узайтириш бўйича музокаралар тўхтаб қолди.
Манбанинг хабарига кўра, мерсисайдликлар клубининг мисрлик юлдузи 2023 йилда, яъни "Ливерпуль" билан шартномаси тугаса, жамоани текинга тарк этишга тайёр.
"Қизиллар" раҳбарияти эҳтимолий кетиш 30 ёшли футболчининг келаси мавсумдаги ўйинига таъсир қилмаслигини кутмоқда.
Аввалроқ Салоҳ Премьер-лигада мавсумнинг энг яхши футболчиси деб тан олинганди. У ўтган мавсумда "Ливерпуль" сафида барча турнирларда 51 ўйинда майдонга тушиб, 31 гол ва 16 голга ассистентлик қилган.
Transfermarkt портали футболчининг нархини 100 миллион еврога баҳолаган.
