"Аякс" ҳимоячиси Юрриан Тимбернинг "Манчестер Юнайтед"га трансфери барбод бўлиш арафасида, дея хабар берди Sky Sports.
Манбага кўра, Нидерландия терма жамоаси бош мураббийи Луи Ван Гал ҳимоячига келаси мавсум мунтазам ўйин амалиёти олмаса, ЖЧ-2022 учун қайдномадан ўрин олмаслигини айтган. Айнан шу сабабдан Тимбернинг "қизил иблислар"га трансфери тўхтаб қолган.
Аввалроқ, "Манчестер Юнайтед" нидерландиялик ҳимоячининг трансфери бўйича музокараларни бошлагани ҳақида маълумотлар пайдо бўлганди.
Инглиз клубининг янги бош мураббийи, аввалроқ "Аякс"ни бошқарган Эрик тен Хаг 21 ёшли футболчини ўзининг илк харидларидан бирига айлантирмоқчи. 2021/2022 йилги мавсумда Тимбер барча мусобақаларда 43 та ўйинда майдонга тушиб, 3 та гол урди ва иккита голли узатмани амалга оширди.