"Ayaks" himoyachisi Yurrian Timberning "Manchester Yunayted"ga transferi barbod bo‘lish arafasida, deya xabar berdi Sky Sports.
Manbaga ko‘ra, Niderlandiya terma jamoasi bosh murabbiyi Lui Van Gal himoyachiga kelasi mavsum muntazam o‘yin amaliyoti olmasa, JCH-2022 uchun qaydnomadan o‘rin olmasligini aytgan. Aynan shu sababdan Timberning "qizil iblislar"ga transferi to‘xtab qolgan.
Avvalroq, "Manchester Yunayted" niderlandiyalik himoyachining transferi bo‘yicha muzokaralarni boshlagani haqida ma’lumotlar paydo bo‘lgandi.
Ingliz klubining yangi bosh murabbiyi, avvalroq "Ayaks"ni boshqargan Erik ten Xag 21 yoshli futbolchini o‘zining ilk xaridlaridan biriga aylantirmoqchi. 2021/2022 yilgi mavsumda Timber barcha musobaqalarda 43 ta o‘yinda maydonga tushib, 3 ta gol urdi va ikkita golli uzatmani amalga oshirdi.