Қишки трансфер ойнасида "Ривер Плейт"дан сотиб олинган "Манчестер Сити" ҳужумчиси Хулиан Альварес ёзда ижарага берилмайди, дея хабар берди Фабрицио Романо.
Манбага кўра, "шаҳарликлар" раҳбарияти 22 ёшли аргентиналик футболчини ижарага бериш ниятида эмас, гарчи футболчига Европанинг бешдан ортиқ клублари қизиқиш билдираётган бўлса ҳам.
Романонинг фикрича, клубнинг бу қарори Рахим Стерлинг ва Габриэл Жезуснинг жамоани тарк этиши мумкинлиги билан боғлиқ.
Альварес "Ривер Плейт" сафида 21 та ўйинда майдонга тушиб, 15 та гол ва 4 та голга ассистентлик қилган. Жумладан, ҳужумчи Либертадорес кубогининг битта ўйинида 6 та гол урди.