Qishki transfer oynasida "River Pleyt"dan sotib olingan "Manchester Siti" hujumchisi Xulian Alvares yozda ijaraga berilmaydi, deya xabar berdi Fabrisio Romano.
Manbaga ko‘ra, "shaharliklar" rahbariyati 22 yoshli argentinalik futbolchini ijaraga berish niyatida emas, garchi futbolchiga Yevropaning beshdan ortiq klublari qiziqish bildirmoqda.
Romanoning fikricha, klubning bu qarori Raxim Sterling va Gabriel Jezusning jamoani tark etishi mumkinligi bilan bog‘liq.
Alvares "River Pleyt" safida 21 ta o‘yinda maydonga tushib, 15 ta gol va 4 ta golga assistentlik qilgan. Jumladan, hujumchi Libertadores kubogining bitta o‘yinida 6 ta gol urdi.