"Ювентус" ва Италия терма жамоасининг собиқ ҳужумчиси Алессандро Дель Пьеро Ромелу Лукаку ва Поль Погбаларнинг А Серияга қайтиши мумкинлиги ҳақида гапирди.
Дель Пьеро ESPN нашрига берган интервьюсида Лукаку ва Погба каби юлдуз футболчиларнинг қайтиши Италия лигасини АПЛга яқинлашишга ёрдам беришини айтди. Собиқ футболчининг таъкидлашича, улар баъзида Туманли Альбионда ажойиб футбол ўйнашадики, бу бошқа спорт туридек туюлади.
Эслатиб ўтамиз, Ромелу Лукаку ижара асосида "Интер"га қайтиши мумкин, Поль Погба эса Туриннинг "Ювентус" клубига ўтишга яқин турибди.