"Манчестер Сити" ҳужумчиси Рахим Стерлинг "Челси"га ўтишга қизиқмоқда, деб хабар беради ESPN.
Манба берган хабарга кўра, 27 ёшли англиялик Лондон клуби янги хўжайинларининг амбицияларидан ҳайратда.
“Кўклар” футболчини трансфер қилиш бўйича биринчи таклифни аллақачон билдиришган, бироқ бу “шаҳарликлар”га маъқул келмади. Манчестер клуби футболчи учун 55-60 миллион евро олмоқчи.
Ўтган мавсумда Стерлинг "Ман Сити" сафида 47 та ўйинда майдонга тушиб, 17 та гол урди ва 5 та голга ассистентлик қилди.
Ҳужумчининг Манчестер клуби билан шартномаси 2023 йилнинг 30 июнига қадар тузилган.