"Manchester Siti" hujumchisi Raxim Sterling "Chelsi"ga o‘tishga qiziqmoqda, deb xabar beradi ESPN.

Manba bergan xabarga ko‘ra, 27 yoshli angliyalik London klubi yangi xo‘jayinlarining ambisiyalaridan hayratda.

“Ko‘klar” futbolchini transfer qilish bo‘yicha birinchi taklifni allaqachon bildirishgan, biroq bu “shaharliklar”ga ma’qul kelmadi. Manchester klubi futbolchi uchun 55-60 million yevro olmoqchi.

O‘tgan mavsumda Sterling "Man Siti" safida 47 ta o‘yinda maydonga tushib, 17 ta gol urdi va 5 ta golga assistentlik qildi.

Hujumchining Manchester klubi bilan shartnomasi 2023 yilning 30 iyuniga qadar tuzilgan.