Яқинда "Челси"да тўп суриши кутилаётган Эден Азар дунё юлдузларнинг ўйинидан илҳом олишини айтиб ўтди.
"Кўп футболчилар ўз ҳамкасбларининг ўйинлари видеосини кўришади. Мен Месси ва Роналдунинг ўйинлари видеосини кўришимни айтишдан уялмайман. Буюк ўйинчиларнинг ўйинидан илҳом оламан.
Мен бирга тўп сурган ўйинчиларнинг энг зўри Жервиньо эди. Бизнинг сифатларимиз турлича, аммо иккаламиз ҳам индивидуал маҳоратимизни кўрсатишга ҳаракат қиламиз. У менга бир неча нарсаларни ўргатган. Жервиньонинг оширилган тўпга чиқиши жуда зўр", - деяди 21 ёшли Бельгиялик футболчи.