Англия терма жамоасининг яримҳимоячиси Фрэнк Лэмпард бугунги машғулотлар чоғида оёғининг сон қисмидан жароҳат олди ва майдонни тарк этди, дея хабар беради ESPN.
33 ёшли ўйинчининг жароҳати жиддийлиги пайшанба кунги тиббий текширувдан сўнг аниқланади. Агар хавотирлар рост бўлиб чиқадиган бўлса, унинг ўрнини "Ливерпуль" яримҳимоячиси Жордан Ҳендерсон эгаллаши мумкин.
Англия термаси мураббийлар штаби Лэмпарднинг жароҳати ва терма жамоага чақирилиб қолиши мумкинлиги ҳақида Ҳендерсонни огоҳлантирдилар.
Таъкидлаш жоиз, Лэмпард ЖЧ-2002 дан бошлаб Англия терма жамоаси сафида бирорта ҳам йирик турнирни ўтказиб юбормаган эди.
