"Ливерпуль" ярим ҳимоячиси Алекс Окслейд-Чемберлен ушбу мавсумда жамоани тарк этишга қарор қилди. Liverpool Echo хабарига кўра, ярим ҳимоячи раҳбариятдан уни бошқа клубга қўйиб юборишни сўраган.
Олдинроқ "Ливерпуль" Окслейд-Чемберленни таркибни йўқотишдан қўрқиб, сотмоқчи эмаслиги ҳақида хабар берилганди.
Окслейд-Чемберлен хизматларига Англия премьер-лигасининг бир қанча клублари қизиқиш билдирмоқда. Улар орасида қишда футболчини сотиб олмоқчи бўлган Лондоннинг "Вест Хэм" ва "Ньюкасл" клублари бор.