"Падова" клуби ҳужумчиси Омар Миланеттонинг адвокати Маттиа Грассани ўз мижозининг сўроқ қилиниши тафсилотларини сўзлаб берди.
"Бу ғояларнинг очиқ тўқнашуви бўлди. Омар қатъий позицияда турди ва ҳеч қайси саволга жавоб беришдан бўйин товламади. У ўзига қўйилган гумонларни йўқ қилиб ташлади.
Биргина ҳолат гумон остида қолди, холос. Ўйлайманки, у эртагаёқ ўз оиласи олдига қайтади. Энди суриштирув ишлари ўз йўлида кетади.
Миоанетто - ўйиннинг ҳисобига таъсир этадиган футболчи, фақат спорт йўли билан. У ҳеч қандай келишилган ўйинларда иштирок этмаган.
Қўйилган айбларда ҳеч қандай гувоҳ, асос, бир банкдан бошқа банкга пул ўтказмалари ва мижозимнинг қандайдир пулларни ўзлаштиргани ҳақида маълумотлар йўқ. Миланетто ўзининг мутлақ айбсизлигини исботлади", - дея адвокатнинг сўзларини келтиради Sky Sport Italia.
Эслатиб ўтамиз, Миланетто "Лацио" сардори Стефано Маури каби келишилган ўйинларда иштироки гумон қилиниб ҳибсга олинган эди.
