"Севилья" раҳбарияти ҳимоячи Жюл Кунденинг Англия Премьер-лигасининг клуби билан 5 йиллик шартномага келишиб олганини билади. Франциялик футболчи Лондоннинг "Челси"сига ўтиш жараёни тугашини кутмоқда, деб хабар беради Marca.
Шу билан бирга, "Челси" ҳалигача "Севилья"га Кунденинг трансфери бўйича бирорта ҳам расмий таклиф билан чиққани йўқ.
Аввалроқ, 23 ёшли ҳимоячига "Барселона"дан қизиқиш борлиги ҳақида маълумотлар пайдо бўлганди. Андалусияликлар франциялик футболчини 65-70 миллион еврога сотишга тайёр.
Ўтган мавсумда Кунде "Севилья" сафида барча турнирларда 44 ўйинда 3 та гол урди ва 1 та голли узатмани амалга оширди.