"Sevilya" rahbariyati himoyachi Jyul Kundening Angliya Premyer-ligasining klubi bilan 5 yillik shartnomaga kelishib olganini biladi. Fransiyalik futbolchi Londonning "Chelsi"siga o‘tish jarayoni tugashini kutmoqda, deb xabar beradi Marca.
Shu bilan birga, "Chelsi" haligacha "Sevilya"ga Kundening transferi bo‘yicha birorta ham rasmiy taklif bilan chiqqani yo‘q.
Avvalroq, 23 yoshli himoyachiga "Barselona"dan qiziqish borligi haqida ma’lumotlar paydo bo‘lgandi. Andalusiyaliklar fransiyalik futbolchini 65-70 million yevroga sotishga tayyor.
O‘tgan mavsumda Kunde "Sevilya" safida barcha turnirlarda 44 o‘yinda 3 ta gol urdi va 1 ta golli uzatmani amalga oshirdi.