"Лидс" ҳали ўз футболчиси Калвин Филлипсни трансфер қилиш бўйича таклиф олгани йўқ. Бу ҳақда британиялик журналист Фил Хэй хабар тарқатмоқда.
"Манчестер Сити" ҳали ҳам "Лидс"нинг Филлипсни арзонлаштирилган нархда қўйиб юборишига рози бўлишига шубҳа қилмоқда. Олдинроқ "товуслар" ўз ярим ҳимоячиси учун 60-70 миллион евро талаб қилиши "шаҳарликлар"ни қўрқитгани айтилганди.
Қолаверса, "Манчестер Сити" раҳбарияти Филлипснинг дарҳол асосий таркибда ўйнамаслигидан қўрқиб, бундай қиммат трансфернинг мақсадга мувофиқлигига шубҳа қилмоқда, чунки Родри ўз позициясида жуда яхши ўйнамоқда.